3 От ыйа 03.07
  • -7°
  • $ 104,68
  • 115,6

Дьокуускай аэропордугар босхо ИХА экспресс-тест тутан саҕалаатылар

15:04, 13 января

Тохсунньу 13 күнүттэн «Дьокуускай» аэропордугар коронавирус (ИХА) анаалыһын тутар экспресс-тест пууна үлэлиир, диэн СИА иһитиннэрэр.

Коронавируснай инфекция баар буолуон сөбүн быһаарар босхо тестированиены Дьокуускайга көтөн кэлбит пассажирдар оҥотторуохтарын син. Чинчийиилэри Дьокуускай куорат 2 №- дээх балыыһатын үлэһиттэрэ ыыталлар.

ИХА-тест үчүгэйэ диэн, түмүгэ аҕыйах мүнүүтэнэн биллэр, ол эрээри бу тест түмүгүнэн чопчу диагноз туруоруллубат. Ол эрээри, тест коронавирус баар диэн көрдөрдөҕүнэ обсерваторга хайысха биэрэллэр, онно салгыы чинчйэллэр.

Экспресс-тест оҥорор пуун «Дьокуускай» аэропордугар 1-кы этээскэ таһаҕас биэрэр саалаҕа турар. Пуун үлэтин режимэ-күн аайы 06:00-10:00 диэри,  киин рейстэртэн чуолаан бу кэмҥэ көтөн кэлэллэр эбит . Пуун үлэтин режимэ быстах кэмҥэ олохтоммут, инникитин уларыйыан сөп.

Саҥа өҥө COVID-19 ыарыыта тарҕамматын уонна пассажирдарга табыгастаах буоларын туһугар олохтонно. Маннык өҥө олоххо киирэн. аэропортка хайаан даҕаны мааска кэтиллиэхтээх уонна температура мээрэйдэнэр.

Следите за самым важным и интересным в Telegram-канале и WhatsApp-группе ЯСИА
0
0