Дьокуускай куорат 5 №-дээх оскуолатыгар үөрэх процеһа сөргүтүлүннэ. Бу сарсыарда оскуолаҕа дэлби тэптэрии былааннанарын туһунан иһитиннэрии киирбитин кэннэ полиция үлэһиттэрэ бэрэбиэркэлээн куттал суоҕун быһаардылар. Бу туһунан СИА-ҕа оскуола дириэктэрэ Алексей Семенов иһитиннэрдэ.
«Оскуола территориятын бэрэбиэркэлээн бүттүлэр. Барыта үчүгэй. Билигин бастакы смена дистанционнай формаҕа үөрэнэр, иккис сменалар оскуолаҕа кэлэн үөрэниэхтэрэ», — диэтэ Алексей Семенов.
Санатан эттэххэ, күн бүгүн сарсыарда Дьокуускай куорат 5 №-дээх оскуола дьиэтин дэлби тэптэрэри былаанныылларын туһунан иһитиннэрии киирбитэ. Анонимнай сигнал оскуола электроннай почтатыгар киирбит.
This post was published on 12.10.2022 13:01 13:01