«Железные дороги Якутии» аахсыйалаах хампаанньа Дьокуускай 204-с микрорайонугар «Намыв» поездка пассажирдары олордор пууну төгүрүк сыл үлэлэтэр туһунан биллэрэр.
Урут «Намыв» пуун кыһыҥҥы уонна көһө сылдьар кэмнэргэ эрэ үлэлээбит буоллаҕына, билигин сайын даҕаны поезд пассажирдарын теплоходка олордуу 204-с микрооройуоҥҥа баар причалтан тэриллиэҕэ.
Уу тырааныспарыгар пассажирдары куттала суох түһэр, киирэр усулуобуйаны тэрийэргэ хампаанньа кытылга наадалаах дириҥи оҥорор үлэни ыытар. Итини таһынан, кытыл зоната тэриллиэҕэ, ити теплоходтарга уу ханнык баҕарар таһымыгар табыгастаахтык уонна куттала суох тохтуурга кыах биэриэҕэ.
«Биһиги Дьокуускайтан Аллараа Бэстээх ыстаансыйатыгар диэри тэрээһиннээх трансферга наадыйыы үрдүгүн көрөбүт, ити сезонтан тутулуга суох. Итиэннэ биир бастайааннай түһэр пууну тэрийии поезд пассажирдарыгар быдан табыгастаах буолуоҕа, ордук Өлүөнэ өрүскэ халаан балаһыанньатынан, трансферга пассажирдары түһэрэр-киллэрэр пууну суһаллык уларытарга күһэллэрбит», — диэтэ вагон-пассажирскай комплекс генеральнай дириэктэрин солбуйааччы Алексей Соколов.
“Намыв” пуун Дьокуускай к., Ларионов уул., 16в диэн аадырыска баар уонна 203-с уонна 204-с микрооройуоннар олохтоохторугар сатыы сылдьалларыгар табыгастаах. Кини аттыгар 3 № — дээх уонна 17 № — дээх маршрутнай оптуобус тохтобула баар.
Санатан эттэххэ, Дьокуускайтан трансферы олохтоох бириэмэнэн 14:00 чааска ыытыы олохтонно.
This post was published on 05.03.2026 10:05 10:05