20 От ыйа 20.07
  • 17°
  • $ 88,02
  • 96,04

Өймөкөөннөр бэйэлэрин күүстэринэн уот туруутун тохтоттулар

Читайте нас на
Яндекс Новости
ЯДВ

Бу күннэргэ Өймөкөөн улууһугар хас да сиргэ уот тура сырытта.


Нэһилиэк аайы көрдүгүнтэн саҕалаан, ойуурга улахан уот туруоҕун, улуус олохтоохторо тута болҕомтоҕо ылан, умуруоран иһэллэр.

Ол курдук, соторутааҕыта «Славка» диэн сиргэ уот туран, Төрүт нэһилиэгин 17 эр киһитэ мотуордаах оҥочонон тиийэн, киэҥ сиринэн көрдүгэннии сытар уоту хаптаппыттара. Оттон бэҕэһээ Үчүгэйгэ этиҥнээх ардах кэнниттэн, нэһилиэк аттыгар уот турбутун, нэһилиэк ыччаттара күргүөмүнэн тахсан, эмиэ тута тиийэн умуллардылар.

Ити курдук, Өймөкөөн улууһун олохтоохторо кыра көрдүгэннэри болҕомтоҕо ылан тута умулларбатахтара буоллар, ойуур баһаара тэнийэн, сайыны быһа төһөлөөх киэҥ сир умайыа этэй? Туох барыта кыраттан саҕаланар. Өймөкөөн олохтоохторун төрөөбүт дойдуларыгар хаһаайынныы сыһыаннара — бастыҥ холобур.

Следите за самым важным и интересным в Telegram-канале и WhatsApp-группе ЯСИА