Региоҥҥа оҕо сынньалаҥар уонна эбии үөрэҕэр анаммыт бөдөҥ эбийиэк Дьокуускайтан 23 килэмиэтир ыраах баар, «Северная мозаика» туристическай кластер территориятыгар дьэндэйэр. Ил Дархан уонна бырабыыталыстыба салалтатын пресс-сулууспата иһитиннэрбитинэн, бүгүҥҥү күҥҥэ алта куорпуска инженернай ситим сүрүн үлэлэрэ түмүктэннилэр, ис үлэтэ барар, тас өттө таҥыллар.
Аныгы экосистиэмэлээх хас да кластер үлэлиэҕэ — технологическай, спортивнай, үөрэтэр, медицинскай.
Санаттахха, «Полярная Звезда» Россия президенэ Владимир Путин сорудаҕынан Дьокуускай маастар-былааныгар киллэриллибит сүрүн социальнай инфраструктурнай көҕүлээһин буолар. Тутуу Илини сайыннарыы министиэристибэтинэн президент биир кэлим субсидиятынан ыытыллар.
Эбийиэк 2026 сылга үлэҕэ киирэр.
This post was published on 18.07.2025 12:02 12:02