Арассыыйа Билимҥэ уонна үрдүк үөрэххэ министиэристибэтэ, бакалавриат уонна специалитет бырагыраамаларыгар үөрэххэ ылыыга туспа кубуотанан ураты быраабы быһаарыыга уларытыылары киллэрии туһунан бирикээс бырайыагын оҥордо.
Бырайыакка олоҕуран саҥа туспа кубуота көрүллэр. Кубуота бүддьүөт суотугар көрүллэр, исписээлинэстэринэн эбэтэр бэлэмнээһин хайысхаларынан үрдүк үөрэххэ ылыы ыйбыт хонтуруолунай сыыппаратын 10 % кээмэйиттэн аҕыйах буолуоҕа суоҕа диэн ыйыллар.
Чэпчэтиинэн туһанан үөрэххэ киирэр бырааптаах дьон испииһэгэ кэҥиир. Байыаннай сулууспалаахтар эбэтэр анал байыаннай эпэрээссийэ атын кыттааччыларын таһынан, туспа кубуота иһинэн Арассыыйа дьоруойдара, Хорсун быһыы үс уордьанынан наҕараадаламмыттар, анал байыаннай эпэрээссийэҕэ баҕа өттүнэн барбыттар уонна ыҥырыллыбыттар оҕолоро, тас судаарыстыбаларга байыаннай сулууспаҕа сылдьыбыттар уонна атын байыаннай дьайыы кыттыылаахтарын оҕолоро үөрэххэ киирэр бырааптаахтар.
Источник: https://sakha-sire.ru/
This post was published on 16.01.2023 11:29 11:29