САССР, РСФСР, ССРС үтүөлээх тренерэ Дмитрий Коркин аатынан XII Норуоттар икки ардыларынааҕы турнирга 10 ыйааһыҥҥа тустууктар киирсиэхтэрэ. Күрэхтэһии уопсай бирииһэ 130 000 доллар. Бу туһунан «Спорт Якутии» иһитиннэрэр.
Алтынньыга Дьокуускай куоракка Дмитрий Коркин турнирыгар көбүөргэ 10 ыйааһыҥҥа киирсиэхтэрэ: 57 диэри, 61, 65, 70, 74, 79, 86, 92, 97 уонна 125 кг.
Кыайыылаахтар бэйэлэрин ыйааһыннарыгар Кубоктары, мэтээллэрин уонна дипломнары таһынан харчынан наҕараадаланыахтара. Бастаабыттарга — $5 000, үрүҥ көмүстэргэ — $3 000, боруонсаларга $2 000. Чемпионнары бэлэмнээбит тренердэр — $1 000.
This post was published on 02.10.2019 16:24 16:24