СӨ Национальнай бибилэтиэкэтин устуоруйаҕа саалатыгар алтынньы 10 күнүгэр, күнүс 15 чаастан поэзияны сэҥээрэр ааҕааччылары Одьулуунтан төрүттээх талааннаах поэт, тылбаасчыт Дмитрий Герасимович Дыдаев төрөөбүтэ 90 сылыгар аналлаах «Дорҕоон буоламмын, дуораһыйан иһэн, уостан сүтүмүүм…» кинигэ сүрэхтэниитигэр күүтэллэр.
Дмитрий Дыдаев — саха поэзиятыгар умнуллубат аат. Кини бу орто дойдуттан барбыта быданнаата эрээри, быйыл бэйиэт 90 сааһын көрсө, айымньыларын барытын түмэн, хомуйан Национальнай бибилэтиэкэ уонна суруйааччы биир дойдулааҕа, өрөспүүбүлүкэҕэ биллэр общественнай-политическай диэйэтэл Альбина Иннокентьевна Поисеева көҕүлээһининэн саҥа кинигэ таҕыста.
Кинигэ бастакы туомугар Дмитрий Дыдаев хоһоонноро, тылбаастара, ыстатыйалара киирдилэр, иккис туомугар бэйиэт туһунан ахтыылар, анабыллар, кэргэнин Татьяна Петровнаны кытта суруйсуулара уонна үөлээннээхтэрин, биир дойдулаахтарын ахтыылара киирдилэр, суруйда Сэмэн Жендринскэй.
This post was published on 08.10.2025 16:23 16:23