Бүлүү куоратыгар буола турар Олоҥхо Ыһыаҕар Дмитрий Акимов хапсаҕайга муҥутуур кыайыылааҕынан буолла.
Дмитрий Акимов таһымнаах бөҕөстөрү кыайан, матассыыкыл хаһаайынынан ааттанна.
Олоҥхо Ыһыаҕар национальнай көрүҥнэргэ киирсии сылын аайы ыытыллар. Быйылгы күрэхтэһиигэ ааттаах-суоллаах хапсаҕайдьыттар кыттыыны ыллылар.
Бүлүү улууһуттан төрүттээх Дмитрий Акимов «Хаҥалас хапсаҕайа» турнир кыайыылааҕын Николай Николаевы, Саха сирин муҥутуурдарын Увар Тимофеевы уонна Семен Семеновы сабарыйталаата.
Финалга көрсүһүүгэ Акимов Семеновка икки төгүл атаҕар киирэ сырытта. Саамай түмүгү үһүс кимиитэ көрдөрдө. Бу сырыыга суон сурахтаах тустуугу түөрэҥнэттэ.
Билигин Бүлүү улууһа Манчаары оонньууларыгар кими кытыннарар туһунан быһаарыа: Николай Николаев эбэтэр Дмитрий Акимов.
This post was published on 29.06.2017 14:27 14:27