«Москваҕа киинэни көрдөрүү — Диодоровтар дьиэ кэргэттэригэр, устар бөлөххө уонна артыыстарга көрдөрүү буолар, кинилэр дойду киин куоратыгар олороллор уонна үлэлииллэр. Москва олохтоохторугар интэриэһи үөскэттэ, аҕыйах чаас иһигэр билиэттэр атыыланан бүттүлэр. Бу сабыылаах көрдөрүү кэнниттэн киинэ улахан экраҥҥа муус устар 17 күнүгэр тахсыаҕа. Билигин дуогабар оҥоһуллар. Сеанс туһунан информация релиз даатата чугаһаатаҕына тахсыаҕа», — диэтэ Баишев.
Киинэ пиар-продюсера Любовь Готовцева эппитинэн, муус устар 1 күнүгэр Дьокуускайтан Москваҕа уонча киһилээх хамаанда көтөр. ««Иллюзион» дьоҕус, ураты тыыннаах киинэ тыйаатыра буолар. Биһиги премьерабыт, чуолаан, манна буоларыттан үөрэбит. Татьяна Арнтгольц Дьокуускайга, бэйэтин кыраапыыгыттан туораан, кыайан кэлэр кыаҕа суох. Анастасия Диодорова чугас дьоно бары Москваҕа олороллор. Ол иһин биһиги премьераны киин куоракка көрдөрөр былааны ылыммыппыт», — диэтэ кини.
Киинэ биллэр саха ууһута Анастасия Диодороваҕа ананар.
This post was published on 28.03.2025 15:01 15:01