Саха сирин киинэ эйгэтэ 2025 сылга ороскуоту уйунууга уонна уонна инвестордары кытта үлэҕэ улахан хардыыны оҥордо. «Диодорова: против течения» диэн саха киинэтэ харчы киллэриитинэн Россияҕа саамай бастакы буолара этилиннэ, ол туһунан ЯСИА биллэрэр.
Cinemaplex бэлиэтииринэн, бюджетынан уонна харчы киллэриитинэн Россия 10 бастыҥ киинэтиттэн биэһэ Саха сирин бырайыага буолар:
- «Диодорова: против течения» – 8,12 (бу 2025 сылга Россияҕа тахсыбыт бары киинэлэр истэригэр саамай үрдүк көрдөрүү, ол иһигэр федеральнай франшизалары уонна миллиардынан ороскуоттаах блокбастердары кытта тэҥнээтэххэ);
- «Айхал» – 6,89;
- «КСБ: как стать боссом»– 4,86;
- «Спид Стар» – 4,37;
- «Кончится лето» (Саха сирэ уонна РФ) – 3,82.
Cinemaplex ырытааччыларын көрүүлэринэн, бу киинэлэри үс хайысха холбуур:
1) Оҥорон таһаарыы ороскуота намыһах (5-15 мөл солкуобай);
2) Олохтоох дьон ирдэбилин чопчу билии;
3) Угуйукка сөптөөх үбү туһаныы.
2025 сыл түмүгүнэн, Россия киинэ проката, уопсайынан, үрдүк көдьүүһү көрдөрбөтөҕүн бэлиэтииллэр. Ол эбэтэр тахсыбыт 218 киинэттэн, Cinemaplex ньыматынан ааҕан көрдөххө, 14 эрэ хартыына барыстаммыт.
Эрдэ Ил Дархан Айсен Николаев саха киинэтэ киллэрэр харчытынан историяҕа саҥа рекорду олохтообутун иһитиннэрбитэ – 280 мөл солкуобай. Бу ааспыт сылы кытта тэҥнээн көрдөххө икки төгүл элбэх.
Тылбаастаата Тускуйана Игнатьева
