Президент Владимир Путин саҥа сокуоҥҥа илии баттаата. Докумуоҥҥа сурулларынан, тыа хаһаайыстыбатын сүөһүтүн хаһаайыттар хайаан да «маркировкалыахтаахтар», иһитиннэрдэ «Парламентская газета».
Сокуоҥҥа олоҕуран, сүөһүлээх хаһаайыттар маркировка ханнык көрүҥүн талалларын бэйэлэрэ быһаараллар. Бэтэринээрдэр быраабылаларын уонна сүөһү учуотун көрөн оҥоһуллар.
Докумуоҥҥа сурулларынан, пластмассовай биирка сыаната быһа барыллаан 14–20 солк биир сүөһүгэ, тирии аннынан чип угуутугар — биир сүөһүгэ 90–140 солк, татуировка эбэтэр таврение көмөтүнэн — 200–250 солк.
Маркировкаламмыт сүөһү туһунан иһитиннэрии Федеральнай государственнай информационнай систиэмэ биир кэлим баазатыгар, ветеринария салаатыгар түмүллэр.
