Дьиэ кэргэттэргэ социальнай төлөбүрдэр бары быйыл оҥоһуллуохтара. Ол туһунан «Духовно-нравственные основы материнства и актуальные вопросы общественно-государственного партнёрства на современном этапе развития общества» диэн тиэмэҕэ төгүрүк остуолга этилиннэ.
Бу боппуруоһу быһаарыыга бүгүн өрөспүүбүлүкэ бырабыыталыстыбата, регион үбүн министиэристибэтэ үлэлииллэр. Быйылгы сылга дьиэ кэргээтргэ социальнай эбэһээтэлистибэлэр бары толоруллуохтаахтар.
Төгүрүк остуолга үлэ уонна социальнай сайдыы миниистирэ Елена Волкова, үп миниистирин солбуйааччы Анна Алексеева, доруобуйа харыстабылын миниистирин солбуйааччы Татьяна Павлова кытыннылар.
Саха Сиригэр ылыллыбыт дьаһаллар демографическай пакеттарын састаабыгар ордук ирдэбиллээх “Дьиэ кэргэн капитала” тиһик буолар. Регионнааҕы көҕүлээһиннэр ортолоругар ураты миэстэни ылаллар: өрөспүүбүлүкэтээҕи «Дьиэ кэргэн» ийэ хапытаала уонна «Үйэ Оҕолоро» тус сыаллаах хапытаал, ону тэҥэ сир учаастагын оннугар биир кэмнээх төлөбүр.
Санатан эттэххэ, кэнники үс сылга бу үс дьаһалга регион бюджетыттан өрөспүүбүлүкэ дьиэ кэргэттэриттэн 51 тыһыынча сайабылыанньаны хааччыйарга 4,6 млрд солк. көрүллүбүт, ол иһигэр быйыл 14 тыһыынча ыалы өйүүргэ 1,5 млрд солк.үбүлэммит.
