Тыа хаһаайыстыбатын министиэристибэтэ «Дьиэ кэргэн пиэрмэтин сайыннарыы» грант бырагырааматыгар бырайыактары көрдө.
Быйыл барыта 14 сайаапка киирдэ Кэбээйиттэн, Мэҥэ Хаҥаластан, Амматтан, Ньурбаттан, Чурапчыттан, Сунтаартан, Бүлүүттэн, Хаҥаластан.
Хаартыска: Тыа хаһаайыстыбатын министиэристибэтин саайта
Бырагыраама уопсай үбүлээһинэ 90 мөл солк.
Грант дьиэ кэргэнинэн сүөһү иитэр пиэрмэни саҥардыыга, үүт-эт сүөһүтүн иитиини сайыннарыыга, бэлэм бородууксуйаны тарҕатыыга, ол иһигэр полуфабрикаттарга бэриллэр.
Бырайыак көмүскээһинэ ВКС киэбинэн ыытылынна. Кыттааччылар ыраахтан олорон, сайыҥҥы үлэлэриттэн аралдьыйбакка, бизнес-былааннарын кэпсээтилэр, сайдар кыахтарын көрдөрдүлэр.
Түмүк тустаах министиэристибэ саайтыгар атырдьах ыйын 5 күнүгэр диэри тахсыаҕа.
This post was published on 24.07.2025 18:04 18:04