19 Тохсунньу 19.01
  • -48°
  • $ 73,82
  • 83,32

Диана «Lil Di» Егорова Москваттан кыайыы көтөллөөх кэллэ

10:44, 25 октября 2016
Текст:

Бүгүн сарсыарда Москваттан үҥкүүһүт Диана Егорова кэллэ. Кини Арассыыйа оҕолорун ортолоругар ыытыллыбыт хип-хоп хайысхаҕа кыайыылаах үрдүк аатын ылла.


Диана бүтүн Арасссыыйатааҕы «Respect my Talent» куонкуруска үһүс төгүлүн кытынна. 2015 сыллаахха кини «Я против музыки» улахан дьон эмиэ кыттыбыт куонкурустарыгар кыайбыта. Билигин Диана биир саастылаахтарын кытта «Hip-Hop Kids» хайысхаҕа кыайыы көтөллөннө.

«Үс чаас уһуннаах күрэхтэһии кэнниттэн Диана олус сылайбыта. Онон бүтэһик түһүмэх ыарахан этэ. Айанныан инниттэн өссө ыалдьа сылдьара», — диэн «Завод» студия салайааччыта Нюргуяна Яковлева эттэ.

Төһө да сылайдар, тренерин Андрей Степанов көмөтүнэн тиһэҕэр тиийэ кытынна», — диир кини.

Диана тренерэ Андрей Степанов СИА-ҕа фестивал туһунан кэпсээтэ: «Манна тыһыынчаттан тахса үҥкүүһүт баара. Күрэхтэһии быйыл Москваҕа аан бастакытын ыытылынна, онон кыттааччы ахсаана биллэ элбээбит».

Диана Егорова саастаалаахтарын кытта күрэхтэһии син биир улахан дьону кытта күрэстэһии курдук ыараханын этэр.

diana1

Манна кыттыбыт оҕолор үҥкүү бу хайысхатын төрүттээччи Генри Линка (АХШ) маастар-кылааһыгар сырыттылар. Кини жюри састаабыгар баара. Диананы кыайыытынан эҕэрдэлээбитэ.

Диана 13 сааһын туолла, онон салгыы бу хайысхаҕа кыттыбат. «Завод» хамаанда эһиил ыытыллар Hip-Hop International бэлэмнэнэр.

0
0
19 января 19.01
  • -48°
  • $ 73,82
  • 83,32