Усуйаана Депутатскайыгар дьиэ кыылларын чиптииллэр. «Электроннай бааспары» бастакынан Яна диэн ааттаах лайка боруодалаах ыкка туруордулар. Бу туһунан Ulus.media суруйар.
Ыкка чип туруоруохтарын иннинэ ветеринарнай сулууспа үлэһиттэрэ булгуччулаах вакцина оҥорбуттар. Ол кэннэ тэрилтэ салайааччыта Шагельди Исмайылов, ветеринар Станислав Жирков анал ыспырыыһынан ыт тириитин иһигэр чиби олордубуттар.
Яна Regagro диэн дьиэ кыылларын учуоттуур, регистрациялыыр национальнай систиэмэҕэ учуокка ылыллыбыт бастакы ыт болар. Билигин улууска барыта 24 дьиэ кыылын, ол иһигэр 15 ыты, тоҕус куосканы чиптээбиттэр.
Чип «электроннай бааспарга» тэҥнээх. Манна ыт аата, хаһаайына, сааһа, прививкаларын, операцияларын туһунан толору информация киирэллэр.
«Дьиэ кыылларын чиптээһин бары өттүнэн табыгастаах, аныгы олох ирдэбилэ буолар. Ордук дьэллик ыттары аҕыйатыыга улахан оруоллаах, онон дьон бу ньыманы туһаналларыгар сүбэлиибин«, — диир Шагельди Исмайылов.
Сиһилии манна аах https://ysia.ru/elektronnyj-pasport-poluchila-lajka-yana-v-arkticheskom-poselke-yakutii-vpervye-vzhivili-chip-po-sisteme-regagro/
This post was published on 14.08.2020 14:02 14:02