Өрөспүүбүлүкэ экономикаҕа миниистирин э.т. Денис Белозеров Саха сирин бырабыыталыстыбатын мунньаҕар регион социальнай-экономическай сайдыытын түмүктэрин туһунан дакылааты оҥордо. Кини этэринэн, макроэкономическай көрдөрүүлэр туруктаахтык үрдүүллэр.
“Бүгүн экономическай балаһыанньа бигэ туруктаах. Баалабай оҥорон таһаарыы улаатар. Туһалаах сир баайын хостооһуҥҥа бырамыысыланнас тэрилтэлэрин суотугар үүнүү 102,2 быр. Сэттэ сылга аан бастаан тыа хаһаайыстыбатын оҥорон таһаарыыта үрдээһинэ бэлиэтэннэ. Агрокомплекс баалабай бородууксуйата 75,1 млрд солкуобайга тэҥнэһэр”, — диэн кини бэлиэтээтэ.
Миниистир э.т. маны сэргэ үлэтэ суох буолуу таһыма үрдүгүн эттэ. Иккиһинэн, тыа сирин нэһилиэнньэтин дохуота ирдэбилгэ эппиэттээбэт. “Бырабыыталыстыба бу көрдөрүүлэр көнөллөрүн туһугар үлэлиэҕэ”, -диэтэ Белозеров.
This post was published on 29.03.2018 18:48 18:48