20 От ыйа 20.07
  • 17°
  • $ 88,02
  • 96,04

Дьэ, кутталлаах кэллиэгэ эбит!

10:03, 22 мая 2018
Текст:
Читайте нас на
Яндекс Новости
ЯДВ

Бииргэ үлэлиир дьон ортотугар даҕаны араас «кадрдар» баар буолаллар эбит! Бэл диэтэр, олоххо кутталлаахтар!

edersaas.ru


Дьокуускай куоракка 47 саастаах дьахтары өлөрөрүнэн суоһурҕаммыт киһини полиция участковай боломуочунайдара ир суолун ирдээн, «сылааһына» туппуттар. Уорбаланааччы урут уорууга түбэһэн сууттана сылдьыбыт, Нам улууһуттан төрүттээх, 36 саастаах киһи эбит.

Барыллаан быһаарыынан, бу киһи үлэтигэр арыгылыы олорбут. Ону бииргэ үлэлиир дьахтара сөбүлээминэ, кинини сэмэлээбит.

Онуоха уорбаланааччы ойон туран, сиэбиттэн бэрэчиинэй быһах таһааран, дьахтары моонньугар тирээбит уонна «хабарҕаҕын хайа сотуом!» диэн ордоотообут. Кыл түгэҥҥэ дьахтар мүлчү туттаран, өлүү айаҕыттан куоппут уонна тута полицияҕа тыллаабыт.

Уорбаланааччыны дьиэтиттэн туппуттар.

Бу чахчынан РФ Холуобунай кодексатын 119-с ыст. 1 чааһынан, ол эбэтэр, өлөрөрүнэн биитэр доруобуйаны эчэтиинэн суоһурҕаныы бэлиэтэ баарынан, холуобунай дьыала тэриллибит.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн

0

0
Следите за самым важным и интересным в Telegram-канале и WhatsApp-группе ЯСИА