17 От ыйа 17.07
  • 18°
  • $ 88,28
  • 96,26

Далырдар муҥхалаатылар

10:01, 26 октября 2020
Текст:
Читайте нас на
Яндекс Новости
ЯДВ

Кыстыкка этэҥҥэ үктэннибит. Хаһаас ас бэлэмнээһинэ саҕаланна. Идэһэ, муҥха кэмэ буолла. Үөһээ Бүлүү улууһун Далырын олохтоохторо бэҕэһээ Тараҕай оттооҕо күөллэригэр бастакы муҥхаларын түһэрдилэр.


Тыа сиригэр күөллэр муустара тоҥно да, муҥха саҕаланар. Коронавирус пандемиятынан кэккэ улуустарга уопсай муҥхалааһын тохтотулунна.

Далыр нэһилиэгэр бэҕэһээ Тараҕай күөлүгэр бастакы муҥха буолла. Нэһилиэк баһылыга Георгий Иванов иһитиннэрбитинэн, улуустааҕы суһал штаб муҥхалааһыҥҥа бобуу суоҕун биллэрбит.

Нэһилиэккэ 978 киһи олорор. Улуус кииниттэн 65 км тэйиччибит. Билигин Бүлүү эбэ хаайар, суол суох. Сахалыы толкуйунан, кыһыҥҥы хаһаас аһы булунарга муҥха куруук тэриллэр. Муҥха ыытыллыытын тутулунан манна «контактаһыы» суох, нырыыһыттар бэйэ-бэйэлэриттэн тэйиччи сылдьыллар. Арай айаҥҥа уонна чэйдииргэ эрэ сэрэхтээх буолуон сөп, онон массыынаҕа хайаан да мааска кэтэри уонна бэйэ эрэ аһын илдьэ кэлэн чэйдээһини тэрийбиппит. Итиэннэ атын сиртэн кэлии киһи суох буолуохтаах. Барыта 36 киһи кытынна, оҕолор суохтар, — диэтэ кини СИА-ҕа.

Бэлиэтээн эттэххэ, Далырга үс киһи коронавирустаабыта биллэр. Үтүөрбүттэр. Кэлин ыалдьыбыт киһи суох. Этэҥҥэлэр.

Следите за самым важным и интересным в Telegram-канале и WhatsApp-группе ЯСИА