ЫБММ үлэһитэ эдэр дьахтары эчэппит уонна кини сокуоннай сааһын ситэ илик балтыгар сыстаҥнаабыт. Бу туһунан эмсэҕэлээбит дьахтар киэҥ араҥаҕа, социальнай ситимҥэ суруйбут, эчэйиилэри ылбыт хаартыскаларын киэҥ эйгэҕэ дакаастабыл быһыытынан көрдөрбүт, ЯСИА суруйар.
Дьокуускай куорат олохтооҕо, эдэр кыыс бу эчэйиилэри ылан баран полицияҕа үҥсүбүт. Ол эрээри дьыала ханна тиийбитин билбэт. Кини иһитиннэрбитинэн, дьыала Силиэстийэлиир кэмитиэккэ ыытыллыбыт диэн буолбут. Ол кэннэ, аны дьыала суох диэн буолбут. Эмсэҕэлээбит кыыс дьыала тохтоон, сабыллан хаалыа диэн куттанар.
Арассыыйа ЫБММ эрэгийиэннээҕи управлениетын баһаарынай чааһын уонна гарнизон начаалынньыгын солбуйааччы Григорий Колданов бу дьыаланы хонтуруолга ыллыбыт диэн иһитиннэрбит. Өскөтүн, ЫБММ үлэһитэ бу дьыалаҕа кыттыгастаах буоллаҕына миэрэ ылыллыаҕа диэбиттэр.
Бэлиэтээн суруйдахха, бииргэ олорор киһититтэн былырыын Өлүөхүмэ олохтооҕо улахан эчэйиилэри ылбыта. Хомойоух иһин маннык түгэннэр үгүстүк бэлиэтэнэллэр.
Ульяна Захарова тылбааһа, Саха сирэ
This post was published on 02.07.2025 15:26 15:26