29 Кулун тутар 29.03
  • -11°
  • $ 92,26
  • 99,71

Дьахтар оҕотунаан баһаарга хайдах былдьаммыттарын силиэстийэлииллэр

Читайте нас на
Яндекс Новости
ЯДВ

Мархаҕа Новоподгорная уулуссуаҕа 39 саастаах дьахтар уонна кини 4 саастаах оҕото уокка былдьаммыттарынан сибээстээн, Өрөспүүбүлүкэ силиэстийэтэ РФ ХК 3 чааһын 109 ыст. (сэрэҕэ суох буолууттан икки киһин өлөрүү) холуобунай дьыала  тэрийбитин туһунан биэдэмистибэ пресс-сулууспата иһитиннэрдэ диэн, СИА кэпсиир.

Силиэстийэлиир уорганнарга дьон өлүгүн булбуттарын туһунан иһитиннэрии кулун тутар 13 күнүгэр 15 чаас 20 мүнүүтэҕэ  киирбит. Быһылаан тахсыбыт миэстэтигэр старшай силиэстийэлээччи салалтатынан силиэстийэлиир- оперативнай бөлөх тахсан көрөн-истэн, тустаах дьаһаллары ыытан кэллэ.

Экспертэр чинчийиилэринэн, дьахтар уонна оҕо өлүүтүн төрүөтүнэн угаар гааһыттан сүһүрүү буолбут. Билигин биллэринэн, баһаар холодильник электропроводкатыттан барбыт.

Силиэстийэ кэмигэр баһаар туохтан барбытын чопчулуурга тустаах үлэни барытын ыытыахтара. Билигин даҕаны силиэстийэ бара турар.

Следите за самым важным и интересным в Telegram-канале и WhatsApp-группе ЯСИА