Кини бэлиэтээбитинэн, билигин хас биирдии оҕо кырата эбии үөрэх биир куруһуогар сылдьар эбэтэр спортивнай секцияҕа дьарыктанар, сорохтор — хастыыга да.
«Киэһэ 6 чааска үлэтиттэн тахсыбыт ийэ оҕотун куруһуокка илдьэрэ ыарахаттардаах, эбии дьарыктар эбиэт кэннэ киэһэлик буолаллар. Ол түмүгэр оҕолор сылайбыт ийэлэрин кытта алтыһаллар. Оттон маннык көстүү оҕоҕо үчүгэй холобур буолбатах. Кыргыттар маннык олоҕу баҕарбаппыт, онон оҕоломмоппут дииллэр», — быһаарда депутат.
Антропенко бэлиэтээбитинэн, дьиэ кэргэнин, оҕолорун, дьиэтин көрөр туһуттан сорох дьахталлар үлэлэриттэн уурайарга күһэллэллэр. Онтон маннык дьаһаныы барыларын үөрдүбэт. Парламентарий дьахтар оҕото, кэргэнэ да суох буоллаҕына, ордук биир чаас киниэхэ эмиэ наада, холобур үлэтигэр хомунарыгар диэтэ.
«Дьахтарга эр киһитээҕэр элбэх бириэмэ наада. Киһи аймах саамай кэрэ аҥарын туһунан кэпсэтэбит! Демографияны тупсарыы боппуруоһа турар, эдэр кыыс күнү быһа үлэлиир, салгыы дьиэтигэр сылайан тиийэр буолаҕына, хайдах тус олоҕун оҥосторун саныаҕай? Онон хамнастарын толору төлөөн туран, саатар биир чааһы үлэ күнүттэн көҕүрэтэр көдьүүстээх буолуоҕа», — диэтэ депутат.
This post was published on 14.04.2025 18:01 18:01