12 От ыйа 12.07
  • 19°
  • $ 87,74
  • 95,76

Дьадаҥы кадеттар тустарынан: Чернышевскайга оскуола-интэринээт үпкэ кыһалҕата

17:59, 17 апреля 2018
Текст:
Читайте нас на
Яндекс Новости
ЯДВ

Вячеслав Штыров көҕүлээһининэн 2008 сыллаахха Чернышевскайга кадетскай интэринээт-оскуола аһыллыбыта. Манна араас улуустартан сүүсчэкэ оҕо үөрэнэ кэлэр.

Аҕыйах кэмтэн ыла оскуола ыарахаттары көрсөр.

Мин оскуола-интэринээт дириэктэрин э.т. Оксана Исаеваны кытта кэпсэттим:

“Оскуола үпкэ балаһыанньата билиҥҥи туругунан бэрдэ суох, тоҕо диэтэххэ, 2018 сыл тохсунньу ыйтан ороскуот ыстатыйаларыгар үбүлээһин көрүллүбэтэҕэ. Биһиги бэйэбит төрүттээччибитигэр, СӨ Үөрэххэ уонна наукаҕа министиэристибэтигэр сурук суруйбуппут, оттон кинилэр Үп министиэристибэтигэр, ол эрээри хоруйу ыла иликпит.

“Теплоэнергосервис” аахсыйалаах уопсастыбаттан, бородууктабытын атыылаһар урбаанньыттарбытыттан сэрэтэр сурук туттубут.

Төһө даҕаны үпкэ ыарахаттары көрүстэрбит, оҕолор аһынан-үөлүнэн хааччыллыылара үчүгэй.

Былырыын Мирнэй орйуоннааҕы суута таһаарбыт уурааҕар олоҕуран, саҥа үөрэх дьылын көрсө кэккэ үлэлэри ыыттыбыт. Линолеумун уларытыахтаахпыт даҕаны, үбүлээһин көрүллэ илик. Билигин душ кабиналарын өрөмүөннүүбүт.”

Кадетскай оскуола туһунан салгыы “Якутия” хаһыакка ааҕыҥ.

Следите за самым важным и интересным в Telegram-канале и WhatsApp-группе ЯСИА