«Якутуголь» тэрилтэ навигация арыллыбытынан, уу суолунан чоҕу ыраах улуустарга тириэрдиини саҕалаата. Биэс ыйга регион ОДьКХ тэрилтэлэригэр 236 тыһ туонна уматык тириэртэ.
Чоҕу тириэрдии «СӨ дьиэ-коммунальнай хаһаайстыбата» ГУТ сакааһынан «Хотугу завоз» чэрчитинэн оҥоһуллар. Ыам ыйыттан балаҕан ыйыгар диэри хампаанньа Амма, Үөһээ Бүлүү, Дьааҥы, Эдьигээн, Ньурба, Өлүөхүмэ, Өймөкөөн, Уус Алдан, Уус-Майа, Томпо улуустарыгар тириэрдиэхтээх.
«Өрөспүүбүлүкэ улуустарыгар олоҕу хааччыйар курууһу тириэрдии – тэрилтэ сүрүн хайысхата. Хампаанньа уматык кэмигэр тиийэригэр сылын аайы кыаҕын, күүһүн ууран үлэлиир», — диэтэ «Якутуголь» тэрилтэ салайар дириэктэрэ Иван Цепков.
This post was published on 02.06.2020 16:02 16:02