Томпо улууһун Дьабарыкы Хайа бөһүөлэгэр тутуллубут үрүҥ эһэни бэҕэһээ киэһэ бөртөлүөтүнэн Дьокуускайга аҕаллылар. Билигин кыыл «Орто Дойду» зоопаркаҕа баар, суруйар СИА.
Экология миниистирэ Сахамин Афанасьев кыылы мэҥиэлээн туппуттарын эттэ. Анаан оҥоһуллубут тимир эрэһээҥкигэ уган, бөртөлүөтүнэн Дьокуускайга аҕаллылар. Билигин үрүҥ эһэ зоопаркаҕа баар.
Бүгүн 15.00 чааска РФ Росприроднадзорун мунньаҕа буолуоҕа. Манна эһэ дьылҕатын быһаарыахтара: Лаптевтар муораларыгар көҥүлгэ ыытыы эбэтэр Россия киин зоопаркатыгар тириэрдии.
Санатар эбит буоллахха, «Орто Дойду» зоопаркаҕа үс үрүҥ эһэ олорор: Колымана, Ломоносов уонна кинилэр уоллара Алмаз.
This post was published on 12.05.2021 10:01 10:01