30 туоннаҕа диэри маассалаах тырааныспар бары көрүҥэр сырыы Саха сирин Томпо оройуонугар Дьабарыкы-Хайа — Охотскай перевоз кыһыҥҥы массыына суолугар сөргүтүлүннэ. Бу туһунан өрөспүүбүлүкэ суол управлениета иһитиннэрдэ.
Суол «Алдан» трассатын 51-с км 107-с км диэри учаастакка арылынна. Урут, кулун тутар 16 күнүгэр, күн-дьыл усулуобуйата мөлтөөн, бу суол кэрчигэ сабаллыбыта.
Суол биэдэмистибэтигэр чуолкайдаабыттарынан, кыһыҥҥы суол сөптөөх техническэй туругун «ДЭП №135» АО бэдэрээттэһэр тэрилтэтэ хааччыйар.
