29 Сэтинньи 29.11
  • -33°
  • $ 60,75
  • 63,3

Дьааҥыга балконтан түспүт кыыс ийэтигэр холуобунай дьыала тэрийдилэр

Дьааҥы улууһугар 2022 сыл балаҕан ыйыгар биэс саастаах кыыс балконтан түһэн ыарахан эчэйиини ылбыта. Оҕону Дьокуускайга санрейсынан аҕалбыттара. Кыыс ийэтигэр холуобунай дьыаланы тэрийдилэр диэн, өрөспүүбүлүкэ прокуратуратын пресс- сулууспатыгар иһитиннэрдилэр.

Оҕо кыра балтын кытары бэйэлэрэ эрэ хаалбыттар. Дьиэ кэргэн сокуоннай саастарын ситэ илик оҕолору көрүү-истии уонна сокуону кэһии систематын уорганнарыгар учуокка турар. Онуоха, дьиэ кэргэни кытта сөптөөх үлэ ыытыллыбатах, онон сибээстээн кинилэр аадырыстарыгар эмиэ иһитиннэрии киирдэ.

Ийэлэригэр кыра саастаах оҕолорун көрүүтэ суох кутталга хаалларбытын иһин холуобунай дьыала тэрилиннэ.

Ону тэҥэ, суут көрүүтүгэр  оройуон дьаһалтатын аатыттан дьахтары төрөппүт быраабыгар хааччахтыыр туһунан сайабылыанньа баар.

Билигин эмсэҕэлээбит оҕо доруобуйатын туруга кэминэн.

Следите за самым важным и интересным в Telegram-канале и WhatsApp-группе ЯСИА
0
0