Дьааҥы улууһугар 2021 сыллааҕы биир кэлим быыбар үһүс күнэ саҕаланна. 118-с быыбардыыр учаастакка балаҕан ыйын 19 күнүгэр бастакынан үөрэх управлениетын үлэһиттэрэ Иван Назаров уонна Николай Колодинский куоластаатылар.
123 №-дээх быыбардыыр учаастакка Баатаҕай куоратын ытык олохтооҕо 92 саастаах Феодосий Кузьмич Ткаченко куоластаата. Убаастанар киһи биир да быыбары көтүппэт, ыччакка дойду иннигэр бэриниилээх буолууга холобур буолар.
Дьааҥы оройуонун быыбардыыр учаастактарыгар куоластааһын икки күнүн барыллаан түмүгүнэн 2 291 киһи бэйэтин гражданскай быраабын толордо. Быыбардааччы уопсай ахсаана улууска — 7 741 киһи.
Куоластааһыҥҥа ордук көхтөөхтүк Табалаах нэһилиэгэ (309 киһи, 56%) уонна Эһэ Хайа бөһүөлэгэ (96 киһи, 68%). Табалаахтар Госдуума депутаттарын быыбарын тэҥҥэ баһылыктарын талаллар, суруйда Иннокентий Кысылбаиков.
This post was published on 19.09.2021 12:03 12:03