21 От ыйа 21.07
  • 22°
  • $ 88,02
  • 96,04

Дьааҥы Оһохтооҕор 20 тыыраахы өлүгүн буллулар

18:28, 26 июля 2018
Текст:
Читайте нас на
Яндекс Новости
ЯДВ

Өрөспүүбүлүкэтээҕи бэтэринээрийэ департамена иһитиннэрэринэн, бүгүн, от ыйын 26 күнүгэр, сарсыарда 11 чаас 40 мүнүүтэ саҕана бэтэринээрийэ биэлсэрэ В.А.Цуканова Н.Н.Томскайдыын, Ю.И.Гороховтыын уонна В.Ю.Гороховтыын, барыта 4 киһилээх биригээдэ, Дьааҥы улууһун Оһохтоох диэн нэһилиэнньэлээх пуунугар турунна. Кинилэр көтөрдөр өлбүт сирдэрин чинчийэн көрөр, өлүктэри уматар итиэннэ боруобаҕа көтөрдөр эттэрин, түүлэрин уонна күөл уутун ылар соруктаахтар.

Байбал Күөлэ диэн сир Оһохтоохтон 13 биэрэстэ тэйиччи сытар. Ол күөлгэ оттуур А.Рожин сүүрбэччэ тыыраахы өлө сытарын көрөн тыллаабыт. Департамент салалтата эбии иһитиннэрбитинэн, өрөспүүбүлүкэтээҕи бэтэринээрийэ чинчийэр лабораториятыгар бактериологическай, вирусологическай, радиологическай, токсикохимическэй уонна токсикологическай чинчийиилэри оҥорорго бэлэм олороллор. Матырыйаал лабораторияҕа тиксэрилиннэр эрэ, тута чинчийэ охсон төрдүн-төрүөтүн (көтөр тумуута, сыстыганнаах эбэтэр радиологическай ыарыы буоларын) быһаарыахтара. Ол бохсор дьаһаллары ыларга төрүт буолуоҕа.

Чинчийии түмүгүн тута иһитиннэриэхпит.

Василий Никифоров, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА