Усуйаана оройуонугар Дьааҥы өрүстэн 25 куб. м дизельнай уматыгы ыраастаатылар. Манна ньиэп бородууктата тохтубута биллэр. Барыта 13 анал техника уонна 32 киһи үлэлээтэ, суруйар Экология министиэристибэтэ.
«АДК» тэрилтэ отчуотугар олоҕуран, хомуйулунна:
- 25 куб. м дизуматык;
- 50 буочука (1 буочука 200 лиитэрэ) хаары кытта буккуспут дизуматык;
- хаар уонна муус, уопсай иэнэ 150 куб. м;
- сир кырыһа 40 куб. м.
Үлэ сорбены туһанан ыытылынна. Казачья уонна Усть-Янск сэлиэнньэлэрин аттыларыгар баар ууттан боруоба ылыахтара. Миэстэтигэр экологтар уонна полициялар бардылар.
Санаттахха, кулун тутар 16 күнүгэр емкосттан дизельнай уматык тохтубута. Барыллаан 30 куб.м. уматык Дьааҥы өрүскэ түспүтэ.
This post was published on 20.03.2025 16:01 16:01