Дьааҥы улууһун Баатаҕайыгар «Чистая вода» бырагыраама чэрчитинэн ууну ыраастыыр ыстаансыйа тутуллар. Эбийиэк «Жилье и городская среда» национальнай бырайыагы Арктика эргимтэтигэр олоххо киллэрэр сыаллаах ыытыллар. ОДьКХ тэрилтэтэ эппиэттээх сирэйинэн буолар.
«Тутар-таҥар үлэлэр түмүктүүр кэрдиистэрэ буолла. Бэлэм 79%. Салгыы оборудованиелары холбоон көрүү ыытыллыаҕа», — диэтэ «Вариант плюс» бэдэрээттиир тэрилтэ.
Ыстаансыйа күҥҥэ ыраас ууну оҥорон таһаарыыта 1100 кубометр тэҥ буолара былааннанар.
Эбийиэк үлэҕэ киирдэҕинэ бөһүөлэк 3 тыһыынча олохтооҕо ыраас уунан хааччыллыаҕа, суруйда Вести Верхоянья
This post was published on 20.11.2024 12:01 12:01