15 От ыйа 15.07
  • 22°
  • $ 87,74
  • 95,76

Дүпсүҥҥэ — сэргэх тэрээһиннэр

18:12, 20 мая 2018
Текст:
Читайте нас на
Яндекс Новости
ЯДВ

Уус Алдан улууһун Дүпсүн нэһилиэгэр бөдөҥ общественнай диэйэтэл В.В.Никифоров—Күлүмнүүр төрөөбүт күнүгэр уонна мусуой норуоттар икки ардыларынааҕы күнүгэр аналлаах тэрээһиннэр ыытылыннылар. Бу туһунан нэһилиэк оскуолатыгар дириэктэри үөрэх чааһыгар солбуйааччы Ньургуйаана Сивцева иһитиннэрдэ. 


В.В.Никифоров—Күлүмнүүр төрөөбүт күнүгэр аналлаах «Үйэлэр тухары умнуллубат үтүө аат!»  тэрээһин өрөспүүбүлүкэтээҕи Күлүмнүүр аатынан эбии үөрэхтээһин киинигэр ыытылынна. Сарсыардаттан «Сахалар сойуустарын суолларынан»  радиорепортаж  нэһилиэк радиоузелынан холбонон дьону-сэргэни сэргэхситтэ.  «Санаабытын салайыаҕыҥ, сайдар суолу тутуоҕуҥ!» диэн Күлүмнүүр төрөөбүтэ 155 сылын көрсө үлэ бырагырааматын бырайыагын  суруйуутугар санаалары, этиилэри түмэр диспут сэргэх буолла. Диспуту «Дүөндү» култуура киинин методиһа В.И.Соловьева биэс түһүмэҕинэн салайан ыытта.Манна нэһилиэк олохтоохторо, тэрилтэлэр кытыннылар.   Элбэх этиилэр киллэрилиннилэр, сонун көрүүлэр этилиннилэр.

Олохтоох бибилэтиэкэ сэбиэдиссэйэ П.И.Сивцева «Күлүмнүүргэ аналлаах саҥа тахсыбыт кинигэлэр»  быыстапканы билиһиннэрдэ. Дьон-сэргэ кинигэлэри сөҕө махтайа көрдүлэр, ыйытыылары биэрдилэр. Салгыы  тэрилтэлэр икки ардыларыгар В.В.Никифоров-Күлүмнүүргэ аналлаах билиини-көрүүнү тургутар бэртээхэй оонньууну тэрийэн ыытта. Күрэс түмүгэр 1 миэстэни «Кэскил» оҕо саадын, 2 миэстэни оскуола, 3 бочуоттаах миэстэни «Сардаҥа» оҕо саадын хамаандалара ыллылар.

Маны таһынан, «Дүпсүҥҥэ мусуой күнэ» тэрээһин үөрүүлээхтик аһыллыыта буолла. Оскуолаҕа кыраайы үөрэтэр, оскуола историятын, космонавтика мусуойдара, бибилэтиэкэ (А.С.Атласова, Е.В.Атласова, О.А.Неустроева, О.Ф.Протопопова) тэрийэн ыыттылар.

«Сүгүрүй, үс саха төрүөҕэ» бүттүүн ыллаатылар. Уруоктар икки ардыларынааҕы сынньалаҥнарга Күлүмнүүр матырыйаалларынан, хоһооннорунан, ырыаларынан радионан бэртээхэй  биэриилэр ыытылыннылар. «История России! өрөспүүбүлүкэтээҕи мусуой туһунан билиһиннэрдилэр.

«Урукку олоҕу сэгэтэн… Көлүөнэлэр ситимнэрэ» диэн тэрээһини өрөспүүбүлүкэтээҕи Күлүмнүүр аатынан  технопарк сиригэр тэрийдилэр. Манна флешмоб, байаанынан ретро үҥкүүлэр, Оонньуу былаһааккатыгар сахалыы маассабай оонньуулар  тэриллэн ыытылыннылар. Маны сэргэ, оҕолорго, улахан дьоҥҥо оскуола  историятын мусуойа (А.С.Атласова) викторина бэртээхэйин оҥордо, — диэн кэпсээтэ.

Мусуой күнүгэр аналлаах викторина түмүгүнэн дьиэ кэргэттэр икки ардыларыгар 1 миэстэни Бочкаревтар, 2 миэстэни Атласовтар, 3 миэстэни Егоровтар ылан үөрбүтэр-көппүттэр. Оҕолорго  10 кылаас үөрэнээччитэ Сайыына Сивцева бастаабыт, Дьокуускай куораттан кэлбит  9 кылааска үөрэнэр Саша Пчелкин иккис буолбут. Улахан дьоҥҥо А.Г.Босикова бастакы, В.И.Тордуянова иккис,  А.И.Сивцев үһүс миэстэлэри ылбыттар. Тэрээһинтэн Дүпсүн дьоно улаханнык сэргэхсийэн, үөрэн-көтөн тарҕаспыттар.

Биһиги корр., «Саха сирэ» хаһыат, edersaas.ru

 

0

0
Следите за самым важным и интересным в Telegram-канале и WhatsApp-группе ЯСИА