28 Бэс ыйа 28.06
  • -7°
  • $ 104,68
  • 115,6

COVID-19 ыалдьыбыт дьону кытары "контактаахтар" булгуччулаах карантиҥҥа сытан бүтүөхтэрэ

Доруобуйа харыстабылын министиэристибэтэ олунньу 6 күнүттэн саҥа коронавируснай инфекция санитарнай быраабылалара саҥардыллыбытын иһитиннэрэр. Ол курдук, COVID-19 вируһунан сутуллубут ыарыһахтары кытта «контактаах» киһи булгуччулаах карантин олорорун тохтоттулар. Хамсык ыарыы «омикрон» штаммын дьон чэпчэкитик аһарынар буолан бу уларытыылары киилэрдилэр диэн Саха сирин Доруобуйа харыстабылын министиэристибэтин пресс- сулууспата иһитиннэрэр.

Ону тэҥэ, 2022 с. олунньу 6 күнүттэн COVID-19 ыарыһахтарын эмтиир болдьоҕу  7 күҥҥэ диэри кыччатыахтара. Ыарыһахтар балыыһа лииһин арыйалларыгар уонна сабалларыгар поликлиникаҕа бараллара ПЦР тест туттараллара  булгуччута суох буолуоҕа.

ОРВИ эбэтэр COVID-19 симптомнаах буоллаххытына, — «122» биир кэлим нүөмэргэ эбэтэр олорор сиргинэн поликлиника колл-киинигэр эрийэн биллэриэхтээххитин санатабыт.

Олунньу 7 күнүттэн өрөспүүбүлүкэ олохтоохторо — https://eln.mzsakha.ru. сервис нөҥүө аудио-консультацияҕа сайаапка түһэрэр кыахтаахтар.

Следите за самым важным и интересным в Telegram-канале и WhatsApp-группе ЯСИА
0
0