Росздравнадзор Саха сиринээҕи салаатын салайааччыта Евгений Иннокентьев соцситимнэргэ эппитинэн, коронавирустан вакцина ылбыт 42 медик доруобуйаларын туруга этэҥҥэ, сыыстарыы баара бэлиэтэммэт, СИА суруйар.
“Гамалея аатынан институт таһаарбыт бастакы вакцина билигин үһүс клиникатын ааһар. Биһиги өрөспүүбүлүкэбитигэр 42 медицина үлэһитэ быһыыны ылбыта. Билиҥҥи туругунан доруобуйаларыгар сыыстарыы бэлиэтэммэт”, — диэтэ Евгений Иннокентьев.
РФ доруобуйа харыстабылын министиэристибэтэ уонна Саха сирин салалтата коронавирустан вакцинацияны тэрийэр туһунан сөбүлэҥи балаҕан ыйын 18 күнүгэр суруйсубута. Дьокуускай куоракка коронавирустаахтары кытта үлэлиир медиктарга бастакы быһыылары балаҕан ыйын 23 күнүгэр туруорбуттара.
This post was published on 21.10.2020 14:01 14:01