Горнай улууһугар “Биир ньыгыл Арассыыйа” баартыйа ыытар “Махтал эйиэхэ, үрүҥ халааттаах аанньал” аахсыйа чэрчитинэн Covid-19 дьаҥы утары үлэлэһэр доруобуйа харыстабылын үлэһиттэригэр өйөбүллэрин, махталларын тириэртилэр.
“Биир ньыгыл Арассыыйа” Горнайдааҕы салаатын сэкирэтээрэ Ю.С.Пахомов, сэкирэтээр эбээһинэһин толорооччу А.Е.Егорова доруобуйа харыстабылын үлэһиттэригэр 21 устуука ас нобуорун бэлэх туттардылар. Үрүҥ халааттаах аанньалларга бэриниилээх үлэлэрин тоһоҕолоон бэлиэтээтилэр.
Улуус кылаабынай бырааһа Г.М.Егоров, инфекционнай отделение үлэһиттэрэ баартыйа чилиэттэригэр махталларын тириэрдэллэр.
Covid-19 утары охсуһар доруобуйа харыстабылын үлэһиттэрэ дьиэлэриттэн-уоттарыттан тэйэн, сылайары аахсыбакка күнүстэри-түүннэри дьон доруобуйатын туһугар үлэлииллэр.
Источник: «Үлэ күүһэ»
This post was published on 21.06.2020 13:01 13:01