Чурапчыга Поликарп Барахсанов аатынан сынньалаҥ пааркаҕа “Snow Park” сааскы сезон нэһилиэнньэҕэ анаан блины күнүн тэрийдэ. Бу туһунан суруналыыс Семен Жендринскай соцситимҥэ суруйда.
Пааркаҕа хас кэлбит ыалдьыты бука барыларын буор босхо, мип-минньигэс блинынан уонна итии үүттээх чэйинэн күндүлээтилэр. Ону таһынан оҕолорго аналлаах көрдөөх оонньуулар, бэһиэлэй муусука, сырылыыр сирдэр, каток үлэлээтэ.
“Нэһилиэкпит дьонугар анаан бу маннык анал тиэмэлэрдээх сынньалаҥ күннэрин тэрийэргэ кыһаллабыт. Бүгүн, масленица күнүгэр дьүөрэлээн, кыра да буоллар үөрүүнү бэлэхтии сатаатыбыт. Мантан салгыы бу ый бүтүүтэ кырыа кыһыммытын атаарар улахан бырааһынньыкпытын тэрийэн, сыыйа-баайы сезоммутун түмүктүөхпүт”, — диэн Чурапчы нэһилиэгин “Айыллаан” киинэ тыйаатырын дириэктэрэ Розалия Игнатьева кэпсиир.
This post was published on 17.03.2021 13:27 13:27