Чурапчы улууһугар алтынньы 3-4 күннэригэр 2011-2012 сс.төрүөх уолаттар ортолоругар ССРС үтүөлээх спорт маастара Василий Гоголев бирииһигэр көҥүл тустууга өрөспүүбүлүкэтээҕи турнир ыытыллыаҕа. Регион сүүмэрдэммит хамаандатыгар хандьыдааттары быһаарыахтара, суруйар ЯСИА.
Турнир Чурапчы сэлиэнньэтигэр Александр Федотов аатынан спорткомплекс ыытыллыаҕа. Өрөспүүбүлүкэ араас муннуктарыттан эдэр спортсменнар кытталлара күүтүллэр.
Бастакы күн, алтынньы 4 күнүгэр, бөҕөстөр 35, 41, 48, 57, 68 уонна 85 киилэлэргэ диэри ыйааһыҥҥа кыайыылаахтары, призердары быһаарсыахтара. Сарсыныгар 38, 44, 52, 62, 75 уонна 85 киилэттэн ордук күүстээхтэр биллиэхтэрэ.
Василий Гоголев бирииһигэр өрөспүүбүлүкэтээҕи турнир үгэс курдук элбэх кыттааччыны түмэр. Былырыын көбүөргэ 230-тан тахса эдэр талаан тустубута. Оччолорго Дьокуускай, Чурапчы, Сунтаар уонна Мэҥэ Хаҥалас улуустарын бэрэстэбиитэллэрэ саамай элбэх кыһыл көмүс мэтээли ылбыттара.
This post was published on 03.10.2025 17:36 17:36