15 От ыйа 15.07
  • 27°
  • $ 87,74
  • 95,76

Чурапчыга норуот туппут дьиэтэ арылынна

16:12, 23 ноября 2018
Текст:
Читайте нас на
Яндекс Новости
ЯДВ

Чурапчы нэһилиэгэр бүгүн үөрүүлээх күн. Норуот бүттүүнэ сомоҕолоһон туппут дьиэтэ аанын тэлэччи аста. “Утум” тэрилтэ үлэтэ дьон-сэргэ дьоҕурун уонна уопсай духуобунай нэһилиэстибэни тарҕатыыга ананар.


Чурапчы нэһилиэгэр “Арчы” дьиэтэ өссө 2010 сыллаахтан үлэлиир. Дьону-сэргэни арчылыылларын таһынан, ис кыаҕы арыйар куруһуоктары хас даҕаны сиринэн үлэлэтэрэ. Бу маны барытын РСФСР култууратын туйгуна Н.М. Заболоцкая иилээн-саҕалаан бэрт таһаарыылаахтык ыытар. Кини туспа дьиэ тутуутун өр сыл туруорсубута. Ону учуоттаан, быйылгы сылга диэри нэһилиэк баһылыгынан үлэлээбит, билигин СӨ ыччакка уонна социальнай коммуникацияларыгар миниистирэ С.А. Саргыдаев “Ытык сүбэ” түмсүү кырдьаҕастарын кытары сүбэлэспитэ. Онно биир соругу ылынан, саҥа дьиэ-уот тутуутугар улахан бачыымы көтөхпүттэрэ.

Бүгүн сырдык, баараҕай дьиэҕэ киирдибит. Нэһилиэкпит тэрилтэлэригэр, улууспут дьаһалтатыгар, нэһилиэктэр баһылыктарыгар, урбаанньыттарга, нэһилиэкпит кырдьаҕастарыгар, эдэр ыччакка тутууну өйөөбүккүтүгэр махталбытын тиэрдэбит”, — диэн нэһилиэк баһылыгын эбээһинэһин толорооччу А.Г. Егоров эҕэрдэ тылыгар эттэ. Чахчы даҕаны олохтоох маастардар дьиэ-уот тутуутугар сүҥкэн кылааттарын, сатабылларын киллэрэн үлэлээбиттэрэ дьон хараҕар тута быраҕыллар.

“Утум” киинигэр аҕыс сыл үлэлээбит куруһуоктар быыстапкалара биирдиилээн хоско туруорулуннулар. Кэлбит ыалдьыттар киин салгыы ыытар үлэтигэр ситиһиини баҕардылар.

Семен Жендринскэй.

Следите за самым важным и интересным в Telegram-канале и WhatsApp-группе ЯСИА