29 Кулун тутар 29.03
  • -14°
  • $ 92,26
  • 99,71

Чурапчыга Мырылаҕа муус аннынан балыктааһыҥҥа Хатылылар иннилэрин биэрбэтилэр

Читайте нас на
Яндекс Новости
ЯДВ

Дмитрий Васильев аатынан Соловьев нэһилиэгин НАДь-гэр саҥардыы ананан үлэли кэлбит Анатолий Захаров быһаччы көҕүлээһининэн, олохтоох дьаһалта, баһылык Василий Хомподоев өйөбүлүнэн Мырыла сиригэр, Тэйэр Хайа анныгар, Амма өрүс хомотугар мууһу аннынан балыктааһын күрэҕэ тэриллэн, үрдүк таһымнаахтык ыытылынна.

Балыксыттар Амма, Таатта уонна Чурапчы улуустарыттан хомуллан, сөптөөхтүк тэринэн, үстүү киһилээх уон биэс хамаанда кэлэн кыттыыны ылла.

Мырыла дьоно-сэргэтэ күрэхтэһээччилэри үөрэ-көтө көрүстүлэр, дьахтар аймах муҥха сибиэһэй соботун хатырыктаан,бөһүөлэк эр дьонуттан Григорий Федоров, Владимир Кузьмин улахан олгуйга ыгыччы минньигэс миини буһаран күндүлээтилэр. Дьаһалта эдэр испэсэлиистэрэ Степан Попов, Артем Иустинов сүүрэн-көтөн, күрэхтэһии ыытыллан түмүктэннэ.

Күрэхтэһии түмүгүн ыкса киэһэ, норуот айымньытын дьиэтигэр үөрүүлээх быһыыга-майгыга иһитиннэрдилэр.

Ол курдук, үһүс миэстэни Таатта улууһун Дьохсоҕон нэһилиэгин хамаандата ылан 10 тыһ. солк бириэмийэҕэ тигистэ. Иккис миэстэни Амма улууһун Соморсун нэһилиэгин хамаандата 11 киилэ 600 грамм балыгы бултуйан 20 тыһ. солк. наҕаарадаланна. Оттон бастакы миэстэни 12 киилэ 800 грамм балыгы туттаран Хатылы нэһилиэгэ ылла уонна 30 тыһ. солк харчынан бириэмийэлэннэ.

Манна даҕатан эттэ, оскуола оҕолоругар “Байанай” уруога ыытылынна.

Бастакытын ыытыллыбыт чөмпүйэнээккэ халлааммыт тымныыта, дьыбара мэһэйдээбэтэ. Ону ааһан өр көтөҕүллэн күрэстэһэн, бэйэ-бэйэҕэ махтанан, этэҥҥэ буолууну баҕарсан, бултуйбут дьон сиэринэн үөрэн-көтөн тарҕастылар.

Анатолий Христофоров

Бэлэмнээтэ Сэмэн Жендринскэй, Саҥа олох

Следите за самым важным и интересным в Telegram-канале и WhatsApp-группе ЯСИА