14 От ыйа 14.07
  • 21°
  • $ 87,74
  • 95,76

Чурапчыга лапароскопия эпэрээссийэтин аныгы ньыманан оҥорор буоллулар

Читайте нас на
Яндекс Новости
ЯДВ

2023 сыл алтынньы 19 күнэ – Чурапчы устуоруйатыгар кыһыл көмүс буукубанан умнуллубаттыы суруллан хаалар буолла. Бэҕэһээҥҥиттэн саҕалаан, Чурапчытааҕы киин балыыһа Саха АССР үтүөлээх бырааһа Григорий Алексеев аатынан хирургия отделениетын быраастара үөс эпэрээссийэтин (холецистэктомия) аныгы ньыманан оҥорор буоллулар.

Бу да иннинэ үөс эпэрээссийэтэ дьоҥҥо-сэргэҕэ оҥоһуллан аҕай кэллэҕэ ол эрэн өр кэтэһиилээх саҥа аппараат кэлэн, эбиитин Дьокуускай куораттан улахан уопуттаах, кылаабынай хирург кэлэн маастар-кылаас биэрэ сылдьарын туһунан, Прокопий Сокольников аатынан киин балыыһа хирура Илья Владимирович Оконешников маннык кэпсиир: “Чурапчы сиригэр-уотугар бастакы улахан хамсааһын буолар. Лазернай диэн норуокка атын оҕус өйдөбүүллээх буолуон сөп, быһааран эттэххэ син биир үс точечнай сиринэн оҥоһуллар лапароскопическай эпэрээссийэ диэн буолар. Ол эбэтэр үс сиринэн тэһэн, видеокамераны киллэрэн, ис үөһүн көрөн туран оҥорор кыахтанныбыт, итиэннэ таастаах үөһү быһан ыламмыт быраҕабыт. Бу үлэбит саҥардыы саҕаланна диэхпитин сөп. Икки киһи бэҕэһээ оҥоһулунна онтон бүгүн эбии түөрт киһини оҥоруохтаахпыт, сарсын икки ыарыһах бэлэмнэнэр. Ити барыта саҥа аппараат кэлбитинэн сибээстээн итинник былааннаммыт эпэрээссийэлэри саҕалаатыбыт.

Биһиэхэ Саха өрөспүүбүлүкэтин кылаабынай внештатнай хирура Василий Петрович Игнатьев кэлэн биһигини үөрэтэр маастар-кылаас ыыта сылдьар. Кэлин бэйэбит үөрэнэн, баһылаан салгыы оҥортоон киирэн барыахтаахпыт”.

Эрдэ этиллибитин курдук, бэҕэһээ икки ыарыһах номнуо эпэрээссийэлэнэн уопсай палаатаҕа тахсыбыттар. Марфа Егоровна Барашкова — Чурапчы нэһилиэгин олохтооҕо, 64 саастаах: “Бу эпэрээссийэҕэ бастакынан киирэн таҕыстым. 25 сылы быһа үөспэр таастаах сылдьан бараммын саҥа ыллаттардым. Эпэрээссийэ үчүгэйдик барда, наркозтан түргэнник таҕыстым, уопсай туругум кэминэн курдук. Быраастарбыт олус үчүгэйдэр, үлэһиттэр бука бары олус болҕомтолоохтор, усулуобуйа баар онон киһи куттаммакка кэлэн оҥотторуон сөп. Мин курдук куттамсах киһи аан бастакынан киирдим”, — диэн күлэ-үөрэ кэпсиир.

Дьэ, ити курдук улууспут кылаабынай бырааһынан Николай Сергеевич Сивцев ананан кэлиэҕиттэн хирургия, травмотология отделениета биллэ сэргэхсийдэ. Итини таһынан сотору кэминэн бэйэбит балыыһабытыгар саа көҥүлүгэр, тиэхэньикэни ыытарга быраап ылар медицинскэй ыспараапкалары толотторор кыахтаныахпыт. Ол курдук Сахая Пудова, Аграфена Максимова клиническэй психолог идэлэригэр үөрэнэн кэллилэр. Инньэ гынан мед.хамыыһыйаны ааһарга уопсай тарыып биллэн (куораттан чэпчэки) сотору үлэлэрин саҕалыахтара.

Сэмэн Жендринскэй.

Ааптар хаартыскаҕа түһэриитэ

Следите за самым важным и интересным в Telegram-канале и WhatsApp-группе ЯСИА