ЯСИА-ҕа Чакыр олохтооҕо Анна Николаева эппитинэн, биллибэт көтөр эбийиэк 23.00 чаас саҕана халлааҥҥа көстүбүт. Иһиттэн сандаарар уоттааҕын бэлиэтии көрбүт.
«Бастаан кыыһым көрбүтэ уонна миигин ыҥырбыта. Эбийиэк туман иһигэр турар шарга майгынныыра, олус бытааннык хамсыыра. Төлөпүөммүт камератыгар устубуппут. Манныгы хаһан да көрө илигим», — диэтэ Анна Николаева.
Учуонай Семен Николашкин комментарийа
«Маннык көстүүнү Саха сирин олохтоохторо муус устар 12 күнүгэр көрбүттэрэ. Онно Саха сирин бириэмэтинэн 22:39 чааска халлааҥҥа «медуза» көстүбүтэ, ракета быраҕыыларыгар биллэр көстүү. Эбийиэк кутталы үөскэппэт», — диэтэ Семён Николашкин.
СМИ суруйарынан, баскыһыанньаҕа АХШ SpaceX ракетата уочараттаах чинчийэр спутниктары орбитаҕа ыыппыта, NROL-145 миссиялаахтары.
This post was published on 21.04.2025 18:02 18:02