Чурапчы улууһугар бастакы оҕотун төрөппүт эбэтэр иитэ ылбыт ийэлэргэ 50 тыһыынча солкуобайдаах сертификат биэриэхтэрэ. Маннык дьаһалга улуус баһылыга Степан Саргыдаев илии баттаата.
Докумуоҥҥа этиллэринэн, 50 тыһыынча солк. суумалаах сертификаты бастакы оҕолорун 2022 сылга төрөөбүт эбэтэр иитэ ылбыт ийэлэргэ биэриэхтэрэ.
Маннык дьаһалы эдэр ийэлэри, ол эбэтэр бүтүн ыалы үп-харчы өттүнэн өйүүр сыаллаах ылыннылар. Маны сэргэ, бу быһаарыныы Саха сиригэр Ийэ сыла, Чурапчыга төрөөбүт төрүт дойду сылынан биллэриллибитинэн сибээстээх, ону таһынан, өйөбүл өрөспүүбүлүкэ демографическай балаһыанньатын тупсарарга көмөлөһүөҕэ, диэн Чурапчы улууһун дьаһалтатын пресс-сулууспата иһитиннэрдэ.
This post was published on 18.01.2022 19:03 19:03