14 От ыйа 14.07
  • 21°
  • $ 87,74
  • 95,76

Чурапчыга дьиэни өлүүлэһэн тутууга албыннаппыт дьон икки дьиэтэ киирдэ

16:28, 07 сентября 2018
Текст:
Читайте нас на
Яндекс Новости
ЯДВ

Бүгүн өрөспүүбүлүкэҕэ дьиэни өлүүлэһэн тутууга кыттыһан, албыннаппыттар ахсааннара аҕыс ыалынан аччыаҕа.

Чурапчы бөһүөлэгэр суобаһа суох тутааччы “Макрос” ХЭТ ситэ туппатах түөртүү кыбартыыралаах икки дьиэтэ Учууталлар уулуссаларыгар үлэҕэ киириэҕэ. Аҕыс ыал кэтэһиилээх кыбартыыраларын ылыахтара.

Санатан эттэххэ, 2017 сыл муус устар 11 күнүгэр Чурапчы оройуоннааҕы суута “Макрос” ХЭТ дириэктэрин сууттаабыта. Дириэктэр дьонтон харчы ылан баран, дьиэлэрин ситэ тутан киллэрбэтэҕэ.

Тутууну ситэрэр туһуттан албыннаппыт дьон “Надежда” тэрилтэни тэрийбиттэр уонна өрөспүүбүлүкэ судаарыстыбаннай бүддьүөтүттэн 11, 276 мөл солкуобай кээмэйдээх субсидия көрүллүбүтэ. Маны сэргэ Чурапчы оройуона бүддьүөккэ 7,531 мөл солк. кыһалҕалаах эбийиэктэри ситэриигэ биэрбитэ.

Тутууну түмүктээһининэн “ПКФ ЖСК” ХЭТ дьарыктанар. Сыл бүтүөр диэри бэдэрээтчит албыннаппыт дьон  өссө биир дьиэтин үлэҕэ киллэриэҕэ.

Өрөспүүбүлүкэ бырабыыталыстыбата маннык кыһалҕаны быһаарыыга улахан болҕомтотун уурар. 2012 сылтан өлүүлэһэн тутууга албыннаппыт 1390 киһи кыбартыыра эбэтэр социальнай төлөбүрдэри ыллылар диэн өрөспүүбүлүкэ Тутууга министиэристибэтин пресс-сулууспата иһитиннэрэр.

Следите за самым важным и интересным в Telegram-канале и WhatsApp-группе ЯСИА