Чурапчы улууһугар учуутал күнэ Аҕа дойду Улуу сэриитин кыттыылааҕа, буойун учуутал, саха Маресьева, Чурапчы улууһун бастакы бочуоттаах олохтооҕо, сэрииттэн икки атаҕа суох кэлэн кэнчээри ыччаты иитиигэ олоҕун анаабыт Степан Макаров аатынан Чурапчы гимназиятыгар Учуутал искибиэриттэн саҕаланна, НВК Саха телеграм-ханаал суруйар.
Манна мустубут улуус бэтэрээн учууталларын бу оскуола выпускнига, улуус баһылыга Степан Саргыдаев эҕэрдэлээтэ, улуус үөрэҕин управлениетын начальнига Юрий Посельскай, Чурапчы гимназиятын дириэктэрэ Юрий Слепцов, гимназия үөрэнээччилэрэ истиҥник эҕэрдэлээн бастыҥ баҕа санааларын эттилэр. Үйэлэргэ холобур буолар ытык киһилэрин Степан Кузьмич Макаров өйдөбүнньүгэр сибэкки дьөрбөтүн уурдулар.
This post was published on 05.10.2023 13:03 13:03