16 От ыйа 16.07
  • 22°
  • $ 87,81
  • 95,78

Чурапчы улууһун Мугудайдара Сочиттан ситиһиилээх кэллилэр

13:03, 11 октября 2023
Читайте нас на
Яндекс Новости
ЯДВ

Алтынньы 6-9 күннэригэр Сочи куоракка ыытыллыбыт норуоттар икки ардыларынааҕы «Золотой кубок» бэстибээл куонкуруска Мугудай  оскуолатыттан «Волшебный крючок» куруһуокка дьарыктанар 7 үөрэнээччи салайааччыларын Күннэй Аммосованы кытта ситиһиилэнэн кэллилэр, диэн «Саҥа олох» суруйар.

Оҕолору кэрэ эйгэҕэ уһуйар Күннэй Григорьевна илиитинэн уустаан-ураннаан айбыт оҥоһуктарынан Гран-при хаһаайката буолла. Онтон үөрэнээччилэрэ кини салайар куруһуогар сылдьан оҥорбут оҥоһуктарынан быыстапкаҕа кыттан улахан сэҥээриини ыллылар, 3-с истиэпэннээх лауреат буолан үөрүүлэрэ өссө үрдээтэ.

Кэрэчээн кыргыттарбыт 3-с уонна 5-с кылаас үөрэнээччилэрэ Валерия Рожина, Марина Маркова, Күннэй Катакова, Санаайа Баишева, Дайаана Охлопкова, Сайнаара Толстоухова, Розалина Корякина Сочи, Адлер куораттар кэрэ сирдэринэн сылдьан, муораҕа сөтүөлээн дуоһуйа сынньаннылар, киэҥ сири, улахан тэрээһини көрөн, дьүүллүүр сүбэ, кыттааччылар сэҥээриилэрин ылан астыннылар.

Мугудай нэһилиэгин баһылыгар Николай Аммосовка,эрэллээх айаннаах суоппарга Михаил Пермяковка барҕа махталбытын тиэрдэбит!

Сахабыт сирин, Чурапчыбытын ааттатарга, оҕолорбут сайдыыларыгар олук уурарга дьоһун хамсааһын барыбытын сомоҕолоотун, түмтүн.

Евдокия Катакова, «Күбэйэ» түмсүү салайааччыта

Следите за самым важным и интересным в Telegram-канале и WhatsApp-группе ЯСИА
Тутаах тыллар