Чурапчы оройуонугар атырдьах ыйын 16 күнүгэр өлүү түбэлтэлээх суол саахала таҕыста.
«Эрдэ быһаарыллыбытынан, 22 саастаах «Тойота-Виш» массыына суоппара массыынатын сатаан урууллаабакка суолтан түҥнэри түспүт»,- диэн ГИБДД иһитиннэрэр.
Саахал түмүгэр 51 саастаах эр киһи уонна 23 саастаах кыыс быһылаан тахсыбыт сиригэр ылбыт эчэйиилэриттэн тута өлбүттэр. Өссө биир пассажир араас эчэйиилээх балыыһаҕа тириэрдиллибит. Суоппар бэйэтэ эмсэҕэлээбэтэх.
ДТП буолар кэмигэр ким даҕаны куттал суох буолуутун хааччыйар куру кэлгиммэтэх. Эдэр киһи икки ый анараа өттүгэр тырааныспоры салайар быраабы ылбыт.
Матырыйааллары силиэстийэлиир уорганнарга бэрилиннилэр.
This post was published on 17.08.2022 13:11 13:11