Чурапчы улууһугар быраҕыллыбыт сирдэри чөлүгэр түһэриигэ үлэ саҕаланна. Туһаныллыбат бааһыналары чуолкайдааһын, тыа хаһаайыстыбатын сирдэрин, ходуһалары дулҕаттан ыраастааһын сорук турар, суруйар СИА.
Чурапчы улууһугар барыта 92 га быраҕыллан сытар бааһынаны чөлүгэр түһэриллиэхтээх, манна уһун сыллаах оту үүннэрэр сорук турар. Тыа хаһаайыстыбатыгар анаммыт 367 га сиргэ дулҕа ыраастанар.
Бу күннэргэ Хатылыга Осхор диэн сиргэ 57 га иэннээх учаастакка дулҕа ыраастааһына саҕаланна.
Баһылык Степан Саргыдаев Чурапчы улууһугар 2022 сылы «Ийэ сир сылынан» биллэрбитэ.
This post was published on 01.03.2022 15:01 15:01