18 От ыйа 18.07
  • 17°
  • $ 88,09
  • 96,3

Чурапчы үөрэнээччилэрин астарын сыаната төһө буолла?

17:01, 16 января
Текст:
Хаартыска: ЯСИА саайта
Читайте нас на
Яндекс Новости
ЯДВ

Халлаан тымныытынан сибээстээн улууспут үөрэнээччилэригэр «оскуолаҕа үөрэммэт күннэр» син биир биллэриллэ тураллар.

Үһүс, уочараттаах саамай уһун чиэппэр бастакы нэдиэлэтигэр Чурапчы  улууһун оскуолаларыгар алын сүһүөх кылаас оҕолоро, халлаан тымныйан икки эрэ күн оскуолаҕа үөрэннилэр. Манна даҕатан эттэххэ, бу тохсунньу ый саҥатыгар халлаан төһө эмэ тымныйарын билэн туран, оҕолор каникулларын уһатар эбэтэр күһүҥҥү канкулларын сыҕарытар кэм уолдьаста. Норуот синоптига Тарас Тарасов-Тускул этэринэн, Чурапчы уонна Таатта улуустара Тымныы полюһугар кубулуйан эрэбит.

Эрдэ пандемия бириэмэтигэр, үөрэнээччилэр тэйиччиттэн үөрэнэр кэмнэригэр күннээҕи босхо аһыыр нуормалара дьиэлэригэр түҥэтиллэр эбит буоллаҕына, билигин ити боппуруоска балаһыанньа хайдаҕын туһунан Чурапчы улууһун үөрэҕин управлениетыттан туоһуластыбыт.

Чурапчытааҕы үөрэх управлениетын сүрүннүүр исписэлииһэ Лена Герасимовна Винокурова быһаарарынан, оҕолорго босхо итии аһылык оскуолаҕа үөрэнэр күннэригэр эрэ көрүллэр, ол эбэтэр тус сыаллаах. Арассыыйа Бырабыыталыстыбатын 2020 сыл бэс ыйын 20 күнүнээҕи 900№-дээх уурааҕыгар олоҕуран, туһаҕа тахсыбатах харчы бэдэрээлинэй бүддьүөккэ төннөрүллэр.

Итини таһынан, 2024 сыл тохсунньу 1 күнүттэн Чурапчы улууһугар 5-11 кылаас чэпчэтиинэн туһанар үөрэнээччилэригэр (тулаайахтар, инбэлииттэр, анал байыаннай дьайыы кыттыылаахтарын оҕолоро) күннээҕи аһылыктарын сыаната – 103 солк 80 харчыга диэри үрдэтилиннэ (2023 сылга – 80 солк).

Ааптар: Сэмэн Жендринскэй, Саҥа олох хаһыат

Следите за самым важным и интересным в Telegram-канале и WhatsApp-группе ЯСИА