29 Кулун тутар 29.03
  • -12°
  • $ 92,26
  • 99,71

Чурапчы оскуолатын тиэргэнигэр бэҕэһээ туртас киирэ сырытта

16:55, 05 октября 2021
Текст:
Читайте нас на
Яндекс Новости
ЯДВ

Бэҕэһээ, балаҕан ыйын 4 күнүгэр, Степан Кузьмич Макаров аатынан Чурапчы гимназиятын үктэлигэр айаҕа хаанырбыт улахан тыһы туртас кэлэн сытарын туһунан сурах, хаартыска, биидьийэ куйаар ситимин тилийэ көппүтэ.

Айылҕа кыыла барахсан, биһиги Чурапчыбыт улууһугар, дьонноох сиргэ иккиһин киирээһинэ. Ааспыкка Сылаҥ нэһилиэгин Түөйэ учаастагар Капиталина Томская тиэргэнигэр кэлэн ааспытын туһунан суруйбуппут.

Оттон бэҕэһээ, туртас, гимназия техническэй үлэһиттэрэ көрөн турдахтарына олбуору быыһылаан, Степан Кузьмич Макаров пааматынньыгын таһынан ааһан, үөрэх кыһатын боруогар балачча өр кэм сыппыт:

“Биһиги иккиэ буолан, Юра Кириллини кытары гимназия олбуорун таһыгар баннер ыйыы сылдьан, охранникпыт: “Туртас сылдьар!” диэн хаһыытаабытыгар эргиллэн көрбүппүт, кыылбыт гимназия тиэргэнигэр киирээри тимир күрүөттэн иҥнэн турар этэ, онтон быыһылаан территория иһигэр киирбитэ. Сырсан тиийиибитигэр оскуола үктэлигэр сытар этэ. Онно тиийэн от бэрсээри гыммыппар, куһаҕан баҕайытык хаһыытаат ойон туран салгыы сүүрбүтэ. Айаҕа хааннаах этэ, арааһа бааһырбыт быһыылааҕа. Салгыы эргэ ыспартыыбынай саала турбут сиригэр тиийэн сыппыта онтон оскуола кэннигэр сылдьарын көрбүппүт, үүрэ сатаабыппыт да барбатаҕа. Кэлин арҕаа, “Сандал” маҕаһыын таһынан сылдьарын олохтоохтор көрбүттэр этэ, бүтэһик иһитиннэрии итиннигэ. Онтон кэлин туртас дьылҕатын туһунан истибэтэхпит. Айылҕа оҕото сөптөөх суолун булан бэйэтин сылдьар ыырынан бардаҕа буолуо диэн сэрэйэбит”, — диэн гимназия оробуочайа Иннокентий Адамов кэпсиир.

Ааптар: «Саҥа олох» хаһыат.

Следите за самым важным и интересным в Telegram-канале и WhatsApp-группе ЯСИА