17 От ыйа 17.07
  • 19°
  • $ 88,28
  • 96,26

Чурапчы нэһилиэгэр Ярославскай уулуссаҕа саҥа 50 кыбартыыралаах дьиэ үлэҕэ киирдэ

14:06, 08 сентября 2023
Читайте нас на
Яндекс Новости
ЯДВ

Чурапчы нэһилиэгэ төрүттэммитэ 375 сылыгар, бүгүн Ярославскай уулуссаҕа саҥа 50 кыбартыыралаах дьиэ үөрүүлээх аһыллыыта буолла. Саҥа дьиэ “Хаарбах туруктаах дьиэлэртэн көһөрүү” бырагырааматынан киирдэ.

Үөрүүлээх түгэҥҥэ улуус баһылыга Степан Саргыдаев, СӨ Тутуу миниистирин солбуйааччыта Евгений Афанасьев, Чурапчы нэһилиэгин баһылыга Владимир Сивцев, «Сахастройгруп» ХЭТ генеральнай дириэктэрэ Иван Федулов эҕэрдэ тылы эттилэр, саҥа дьиэ ыраас, сылаас буоларыгар баҕардылар. Тутааччыларга наҕарадаалар туттарылыннылар.

Бэлиэтээн эттэххэ, “Хаарбах туруктаах дьиэлэртэн көһөрүү” бырагырааманан улуус үрдүнэн 2019-2025 сылларга 114 элбэх кыбартыыралаах дьиэ, ол иһигэр 671 кыбартыыра, 30382,67 кв м олорор сир хаарбах туруктааҕынан бэлиэтэнэн турар. 2019 сылтан Чурапчыга, Хадаарга, Сылаҥҥа, Соловьевка, Кытаанахха, Болтоҥоҕо, Төлөйгө, Хатылыга барыта 18 элбэх кыбартыыралаах дьиэ тутуллан үлэҕэ киирдэ. 455 кыбартыыра, 1267 олохтоох уонна 21095,4 кв м олорор сир көһөрүлүннэ.

2025 сылга диэри 216 кыбартыыра, 328 олохтоох, 9286,97 кв м көһөрө хаалла.

Елена Макаринская, Сэмэн Жендринскэй хаартыскалара

Следите за самым важным и интересным в Telegram-канале и WhatsApp-группе ЯСИА
Тутаах тыллар